1.ილიონობით იაპონელისთვის ტრადიციული საშობაო სუფრის განუყოფელი ნაწილი, არც მეტი, არც ნაკლები, KFC-ს (Kentucky Fried Chicken) შემწვარი ქათმის ბარკლებია. ეს ტრადიცია სწრაფი კვების ქსელის მიერ განხორციელებული მრავალწლიანი მარკეტინგული აქტივობის ნაყოფია. მას სათავე 1974 წელს ჩაეყარა და მას შემდეგ სარეკლამო კამპანიის მესიჯი უცვლელია - „ შობაზე ჭამ ქათამს ".

იაპონელები KFC-ს შემწვარი ქათმის ბარკლებით ტრადიციის მიხედვით 23, 24 და რა თქმა უნდა, 25 დეკემბერს სადილობენ. თავად სწრაფი კვების ქსელის წარმომადგენელთა თქმით ამ სამი დღის განმავლობაში საშუალოდ ჩვეულებრივი თვიური გაყიდვების ნახევარს აღწევს.

2.ყოველწლიურად, ბაიკალი, რომელიც არის მსოფლიოში ყველაზე ღრმა ტბა და დედამიწის ყველაზე დიდი მტკნარი წყლის რეზერვუარი, არის ადგილი, სადაც იმართება ერთ-ერთი ყველაზე უცნაური და საშიში საახალწლო ტრადიცია. თავგადასავლების მოყვარული პროფესიონალი მყვინთავები ხვრეტენ ტბის ზედაპირზე წარმოქმნილ ყინულს, ჩადიან ფსკერისკენ 40 მეტრის სიღრმეში და იღებენ მონაწილეობას რიტუალში, რომელსაც 1982 წელს ჩაეყარა საფუძველი. 

რიტუალი შემდეგში მდგომარეობს: ერთ-ერთ მყვინთავს ფსკერზე ჩააქვს ნაძვის ხე. ორი მყვინთავი გამოწყობილია, როგორც თოვლის ბაბუა და ფიფქია. დანარჩენები ნაძვის ხის გარშემო დაცურავენ და სურათებს იღებენ თოვლის ბაბუასთან.

3.გრინვუდში, ალიასკაზე ახალი წლის შეხვედრის საკმაოდ ორიგინალური და საშიში ტრადიცია აქვთ. ყოველწლიურად ახალი წლის ღამეს იმართება აღლუმი სახელწოდებით ჩირაღდნის შუქი. ტრადიცია შემდეგში მდგომარეობს - 31 დეკემბერს, საღამოს 8 საათისთვის, როცა უკვე საკმაოდ სიბნელეა, გარეთ იკრიბებიან მოთხილამურეები და სნოუბორდისტები და ანთებული ჩირაღდნებით ხელში ეშვებიან ციცაბო მთიდან. 

აღლუმში მონაწილეობის მიღება მხოლოდ 14 წელზე უფროს ადამიანებს შეუძლიათ.

 

4.ახალი წლის წინა დღეს, 31 დეკემბერს ნიდერლანდების ქალაქ ჰაგში (The Hague, Netherlands) იკრიბება ათასობით მოხალისე შევენინგენის სანაპიროზე. ისინი ყველანი კაშკაშა ნარინჯისფერში არიან გამოწყობილნი. სიცივისა და სუსხის მიუხედავად თამამად ბანაობენ ზღვაში. გარდა გაკაჟებისა და გართობისა, ამ აქტივობას კიდევ ერთი სიკეთე მოაქვს - წყალში მოცურავე ყოველ ადამიანზე ადგილობრივ ქველმოქმედებას ერთი ევრო ერიცხება დონაციის სახით.

5.მარვი და ჰარი - ეს ის ორი ბოროტმოქმედია, რომელიც ახალისებს და უნიკალურს ხდის ბევრისთვის საყვარელ საახალწლო ფილმს - „მარტო სახლში". ეს ორი პერსონაჟი აღიარებულია, როგორც ერთ-ერთი საუკეთესო ბოროტმოქმედთა წყვილი საუკეთესოთა შორის.

თქვენ რას ფიქრობთ მათ შესახებ?

6.ყოველწლიურად საშუალოდ 34-დან 36 მილიონამდე ნაძვის ხე იჭრება საშობაოდ და საახალწლოდ.

7.1647 წელს ინგლისის პარლამენტმა გამოუშვა კანონი, რომელიც შობის აღნიშვნას კრძალავდა და არალეგალურად აცხადებდა. ამის ერთ-ერთი ინიციატორი პოლიტიკური ფიგურა ოლივერ კრომველი იყო, რომელიც მიიჩნევდა შობაზე დღესასწაულის გამართვას ამ წმინდა დღეს ამორალური საქციელად. ამ კანონის ფარგლებში აპატიმრებდნენ ყველას, ვინც შეინიშნებოდა შობის აღნიშვნაში.

კანონმა ძალა დაკარგა 1660 წელს.

 

8.პირველი კომერციული საშობაო მისალოცი ბარათი შეიქმნა ჰენრი კოულის მიერ ლონდონში 1843 წელს. ბარათის ილუსტრაცია, რომელზეც გამოსახული იყო ოჯახური სუფრა შექმნა მისმა კარგმა მეგობარმა ჯონ ჰორსლიმ.